ကြိုတင်ပြင်ဆင်တဲ့အနေနဲ့ မယ်ဆိုင်အကောက်ခွန်ဌာနမှူးနဲ့ Custom Immigration Quarantine ဌာနပူးပေါင်းပြီး ဒီကနေ့ မေ ၁၂ ရက်နေ့က အဆိုပါတံတားတဝိုက်မှာ Big Cleaning သန့်ရှင်းရေးအကြီးစား လုပ်ဆောင်နေကြပါတယ်။
ထိုင်းနိုင်ငံနဲ့ ထိစပ်နေတဲ့ မြန်မာ၊ လာအို၊ ကမ္ဘောဒီးယား၊ မလေးရှား စတဲ့ နယ်စပ်ဒေသ ခရိုင် ၁၇ ခုက ဂိတ်ပေါင်း ၃၁ ဂိတ်ကို မေ ၁ ရက်နေ့မှာ စတင်ပြန်ဖွင့်ဖို့ ထိုင်းနိုင်ငံ ကိုဗစ်-၁၉ အခြေအနေ ထိန်းချုပ်ရေးဗဟိုကော်မတီက ခွင့်ပြုခဲ့ပေမဲ့ တာချီလိတ်-မယ်ဆိုင်ဂိတ် မပါခဲ့ပါဘူး။
မယ်ဆိုင်-တာချီလိတ်ဂိတ် ပြန်ဖွင့်ဖို့ သက်ဆိုင်ရာ တာဝန်ရှိသူတွေက ပြင်ဆင်ထားတဲ့ အခြေအနေ အစီရင်ခံစာ အထက်ကိုတင်ပြတာ နောက်ကျခဲ့လို့ မေ ၁ ရက်ဖွင့်ခွင့်ရ စာရင်းထဲ မယ်ဆိုင်ဂိတ်မပါတာလို့ ဆိုပါတယ်။
