Nakhon Pathom ခရိုင် ယောင်ဝရတ်ရွှေဆိုင်ဖွင့်ပြီး ၃နှစ်အကြာတွင် မကြာခဏဆိုသလို ဘေးဥပဒ်များ ကြုံရသောကြောင့် ကုသိုလ်ကောင်းမှုပြုလုပ်ရကြောင်းကို သတင်းထောက်များက ဖော်ပြခဲ့ပါတယ်။ ထိုကြောင့် အိမ်အသစ်ဆောက်ပြီး Nakhon Pathom ခရိုင်ရှိ ရွာသူရွာသားများနှင့် ဆင်းရဲသားများအတွက် ဒူးရင်းသီး ၊ ဆန် ၊ ခေါက်ဆွဲခြောက် ၊ များကို လှူပေးပြီး ရွာသူရွာသားအများအပြား တန်းစီ နေကြသည်ကိုတွေ့ရပါတယ်။
၃၉နှစ်အရွယ် ရွှေဆိုင်ပိုင်ရှင်အမျိုးသမီး Monrudee က ဒီနေ့ဟာ ရွှေဆိုင်ဖွင့်တာ ၃နှစ်၆လ ဖြစ်ပြီး နေ့ထူးနေ့မြတ်လဲဖြစ်တာကြောင့်အလှူကို ကြီးကြီးကျယ်ကျယ် လုပ်ချင် တာလို့ပြောပါတယ်။ ကုသိုလ်ကောင်းမှု ဘာကြောင့်လုပ်ရလဲဆိုတော့ ပြီးခဲ့တဲ့နှစ်ကုန်ပိုင်းလောက်တုန်းက ရွှေဆိုင်ကို ကားနဲ့တိုက်မိတဲ့ မတော်တဆ တစ်ခုဖြစ်ခဲ့ပါတယ်။ ကံကောင်းထောက်မစွာ ဘယ်သူမှ မထိခိုက်ခဲ့ပါဘူး။ ဒါကြောင့် ဒီနေ့ ကုသိုလ်ကြီးတစ်ခု လုပ်ချင်ပါတယ်။ ဆန်အိတ် ၃၀၀ ၊ ခေါက်ဆွဲခြောက် ၃၀၀ ကိုယူဆောင်လာပြီး Nakhon Pathom ရှိ နာမည်ကြီး ကွေ့သယို ဆိုင်တွင် အကန့်သတ်မရှိအခမဲ့ လာစားလို့ရအောင် ပြုလုပ်ပေးခဲ့ ပါတယ်။
ထို့အပြင် ရယောင်း ခရိုင်တွင်ရှိသော ခြံထွက်ယိုးဒယားမွန်ထော်ဒူးရင်းသီး အလုံး ၃၀၀ ကို တစ်လုံးကို တစ်ယောက်နှုန်းဖြင့် စောင့်ဆိုင်းနေသည့် ရွာသူရွာသားများကို ဝေမျှပေးခဲ့ပါတယ်။
ယခုအလှူတွင် သံဃာ ၉ ပါး ပင့်ဖိတ်ပြီး ဆွမ်းများကို ကပ်လှူကာ ဆုတောင်း ကုသိုလ်ပြုလုပ်ခဲ့ပါတယ်။ ပြီးနောက် ကောင်းကင်နဲ့မြေကြီးတိုင်တည်ကာ မီးရှူးမီးပန်းများကို ဖောက်ခဲ့ပါတယ်။ မီရှူးမီးပန်းရဲ့ ပေါက်ကွဲတဲ့ အရှိန်ကြောင့် မီးရှူးမီးပန်းအမြီးနံပါတ် ကွဲသွားခဲ့ပါတယ်။ အမြီးနံပါတ်တစ်ခြမ်းသာ ကျန်ခဲ့ပါ တယ်။ ကျန်ခဲ့တဲ့ အမြီးနံပါတ်ကတော့ 08 ဖြစ်ပြီး ထီဝါသနာရှင်များ ထီထိုးရန် အတွက် ဓာတ်ပုံများရိုက်ယူကြပါတယ်။
