စမွတ်ပရာကန်ခရိုင် ဘန်ဖလီ (ရွှေများအခေါ်ဘန်ဖီ)ဆေးရုံတွင် ဆေးကုသမှုခံယူခဲ့သည့် ကိုဗစ်-၁၉ ကူးစက်ခံထားရသော မြန်မာမီးဖွားလူနာတစ်ဦး၏
ထိုင်းဘာသာဖြင့်ရေးသားထားသည့် ကျေးဇူးတင် စကားကြောင့် ဆေးရုံဝန်ထမ်းများကိုစိတ်အားဖြစ်စေပြီး ဝမ်းသာပီတိဖြစ်ခဲ့ကြသည်ဟု သိရသည်။
မြန်မာလူနာတစ်ဦးက ဆေးရုံးဝန်ထမ်းများမှကောင်းမွန်စွာဂရုစိုက်ပြီးဆေးကုသမှုပေးသည့်အပေါ် စိတ်ကျေနပ်မိသည်ကို ထိုင်းစာဖြင့်ရေးသားထား
သည့်ကျေးဇူးတင်စကားကြောင့် ဆေးရုံဝန်ထမ်းများအားဝမ်းသာပီတိဖြစ်စေသည်ဟု ဘန်ဖလီဆေးရုံ၏လူမှုကွန်ရက်စာမျက်နှာတွင် ပြီးခဲ့သည့်
ဩဂုတ်လ ၁၃ ရက်နေ့က ရေးတင်ထားသည်။
“ရောဂါကူးစက်နိုင်ခြေအမြင့်မားဆုံးဖြစ်တဲ့ ကျမတို့ကို ဂရုစိုက်ပေးတဲ့ဆရာဝန်နဲ့သူနာပြုတွေကို ကျေးဇူးတင်ပါတယ် သူနာပြုအားလုံး
နေ့မအားညမအားအလုပ်လုပ်ရလို့ အရမ်းပင်ပန်းကြမှာပါ ကျမမှာပေးဆပ်နိုင်စရာဆိုလို့ကျေးဇူးတင်စကားပဲရှိပါတယ်” ဆိုပြီး
ထိုင်းဘာသာဖြင့်ရေးသားထားသည်။
“သီးခြားကုသခန်းမှာခုတင်သိမ်းနေတုန်း ကိုဗစ်ကူးစက်ခံထားရတဲ့ သားဖွားလူနာတစ်ဦးက ၄-၅ ရက်စောင့်ရှောက်ပေးတဲ့အတွက်
ကျေးဇူးတင်ပါတယ်ဆိုတဲ့ စာတိုလေးရေးထားပြီး ခုတင်ပေါ်မှာ ခေါင်းအုံးနဲ့ဖိထားတာကိုတွေ့လိုက်တယ် ပိုပြီးပီတိဖြစ်စေတာက
ဒီလူနာဟာမြန်မာတစ်ယောက်ဖြစ်ပေမဲ့ ဖတ်လို့နားလည်အောင် ထိုင်းလိုကြိုးစားရေးထားတာပါ” ဟု စာတိုလေးကိုတွေ့ရှိသူ
သူနာပြုဆရာမကပြောပြသည်။
အဆိုပါ မြန်မာလူနာ၏ကျေးဇူးတင်စာကြောင့် စမွတ်ပရာကန်ခရိုင် ဘန်ဖလီမြို့နယ်ဆေးရုံရှိ PPE ဝတ်ရုံရှေ့တန်းတိုက်စစ်မှူးများကို
ပီတိမျက်ရည်ဖြာစေခဲ့ပြီး အတိုင်းထက် အလွန်စိတ်ဓာတ်ခွန်အားဖြစ်စေသည်ဟု ဆေးရုံမှဖော်ပြထားသည်။
ဩဂုတ် ၁၅ ရက် ၂၀၂၁
