၂၀၂၂ မတ်လ ၃ ရက်နေ့က ထိုင်း-မြန်မာ နယ်စပ် မဲဆိုင်မြို့နယ် ၄ နေရာကို ထိုင်းအာဏာပိုင်တွေ ဝင်ရောက် စစ်ဆေးခဲ့ရာ အမျိုးသား ၂ ဦး အမျိုးသမီး ၁ ဦးနှင့် စစ်လက်နက် ၄၀ ကျော် ဖမ်းဆီးရမိခဲ့ပြီး အခုဖမ်းဆီးရမိတဲ့ သူတွေဟာ “ကင်းနွန်ထဘူရီ” နာမည်ဖြင့် မြန်မာနိုင်ငံသို့ရေနံပို့ခြင်း၊ လက်နက်ခဲယမ်းမှောင်ခိုရောင်းချခြင်း၊ မူးယစ်ဆေးဝါး၊ ငွေကြေးခဝါချခြင်းတို့ ပြုလုပ်နေတဲ့ အဖွဲ့ဖြစ်တယ်လို့ ထိုင်းအာဏာပိုင်တွေကဆိုပါတယ်။
လက်ရှိဖမ်းဆီးရမိခဲ့တဲ့ အမှုနှင့်ဆက်စပ်ပြီး ထိုင်းအာဏာပိုင်တွေက ဘန်ကောက် အပါအဝင် သံသယရှိတဲ့ ခရိုင် ၁၄ ခုက နေရာတွေကို စစ်ဆေးမှုတွေ ဆက်လက် ပြုလုပ်သွားဖို့ ပြင်ဆင်နေတယ်လို့သိရပါတယ်။
