ထိုင်းကိုဝင်လာတဲ့ MOU လုပ်သားတွေကို အရင်ဦးက ထိုင်းလဝက သူတို့မှာရှိတဲ့ စာရင်းနဲ့မြန်မာလုပ်သားတွေကိုင်ဆောင်ထားတဲ့စာအုပ်ထဲကအမည်တွေ ကိုက်ညီမှု ရှိ၊ မရှိ စစ်ဆေးပါတယ်။
အဲဒီနောက် MOU လုပ်သားတွေ Work Permit ရဖို့ ထိုင်း DOE (ကျဟာငန်) တွေက စာရင်းယူတယ်။ လုပ်သားတွေကို ဓါတ်ပုံရိုက်တာတွေဆောင်ရွက်ပေးပါတယ်။
နောက်တဆင့်ကတော့ ကျန်းမာရေးအပိုင်းပါ။ ကျန်းမာရေးမှူးတွေက လုပ်သားတွေကို ကိုဗစ်၁၉ နှာခေါင်းထိုးစစ်ဆေးပါတယ်။ ရောဂါ ၆ မျိုးစစ်ဆေးဖို့အတွက် လုပ်သား( အမျိုးသား) ဆိုရင်ဆေးတိုက်ပါတယ်။ အမျိုးသမီးဆိုရင်တော့ ဆီးစစ်ပြီးမှ အဆိုပါဆေးကိုတိုက်ပါတယ်။
ဆေးသောက်ပြီးရင်တော့ ကိုဗစ်၁၉ လက္ခဏာစောင့်ကြည့်ရန်သတ်မှတ်တဲ့နေရာမှာ ၁၅ မိနစ်ထိုင်စောင့်ရပါတယ်။ အချိန်ပြည့်သွားပြီးဆိုရင် လုပ်သားတွေဆီးစစ်တဲ့အဆင့်ကိုဆက်လက်ဆောင်ရွက်ရပါတယ်။ ပြီးတော့ သွေးစစ်ရပါတယ်။ ဓါတ်မှန်ရိုက်ရပါတယ်။
အားလုံးအောင်မြင်ပြီးဆိုရင် ထိုင်းလဝက ဘက်ကဗီဇာထုတ်ပေးပါတယ်။ ဒါကတော့ ထိုင်းကိုဝင်လာတဲ့ MOU လုပ်သားတွေကို ထိုင်းဘက်ကဆောင်ရွက်ချက်တွေဖြစ်ပါတယ်။
Andrew KC ဇွဲကပင်မြေ
