ဩဂုတ် ၁၉ ရက် ၂၀၂၁
ကိုဗစ်-၁၉ အကျပ်အတည်းကာလတွင် စားဝတ်နေရေးအခက်အခဲဖြစ်နေသည့် မြို့တော်ဗန်ကောက်နယ်မြေအတွင်းရှိ မြန်မာလုပ်သား ၄၀ နီးပါးကို
အလုပ်သမားသံအရာရှိရုံးမှ အခြေခံစားသောက်ကုန်များသွားရောက်ထောက်ပံ့။
ထိုင်းနိုင်ငံတွင် အတောမသတ်နိုင်သေးသည့် ကိုဗစ်-၁၉ တတိယလှိုင်းရိုက်ခတ်မှုကြောင့် စားဝတ်နေရေးအခက်အခဲကြုံနေသည့် မြို့တော်ဗန်ကောက်၊
ချာရုံကရုန် ၁၀၃ လမ်းရှိ မြန်မာကျပန်းလုပ်သား ၃၀ ဦး နှင့် ဘန်ခုံထီယန်မြို့နယ်၊ ဘန်ခုံထီယန်-၁၄ လမ်းတွင်နေထိုင်သည့် ဆောက်လုပ်ရေးအလုပ်
သမား ၉ ဦးတို့ကို ဗန်ကောက်အခြေစိုက် အလုပ်သမားသံအရာရှိရုံးမှ အလုပ်သမားသံအရာရှိ ဦးသူရိန်လင်းနှင့် ဦးဝေမင်းအိမ်တို့က ဆန်၊ ငါးသေတ္တာ၊
ခေါက်ဆွဲခြောက်ပါဝင်သည် ရိက္ခာထုပ် ၃၉ ထုပ်နှင့်ငါးပိကြော်တချို့ကို သွားရောက်ပေးဝေခဲ့သည်ဟု အလုပ်သမားသံအရာရှိရုံး လူမှုကွန်ရက်
စာမျက်နှာတွင် ဖော်ပြထားသည်။
အဆိုပါ အခြေခံစားသောက်ကုန်များကို Foreign Worker Employment Agency Mungmee (2557) Co., Ltd. ကုမ္ပဏီမှလှူဒါန်းထားသည်ဟု
ဖော်ပြထားသည်။
