ဈေနှုန်းသေနင်္ဂဗျူဟာကြောင့် ၂၀၂၁ တွင် ထိုင်း Kerry Express ၏ ပါဆယ်ထုပ်ပို့ဆောင်မှု ၃၀% တိုး တက်ခဲ့သော်လည်း အမြတ်ငွေ ၉၆.၇% ထိုးကျ။
ပြီးခဲ့သည့် ၂၀၂၁ ခုနှစ်တွင် ပါဆယ်ထုပ်ပို့ဆောင်မှု ၃၀% တိုးတက်ခဲ့ပြီး လပေးဝန်ဆောင်မှုသုံးစွဲသူဉီးရေ ၃၂% တိုးတက်ခဲ့သော်လည်း ဝင်ငွေ ၀.၅% ကျဆင်းခဲ့ကာ အမြတ်ငွေ ၉၆.၇% ထိုးကျခဲ့သည်ဟု Kerry Express (Thailand) အများပိုင်ကုမ္ပဏီ သို့မဟုတ် KEX က ဖော်ပြထားသည်။
“ပစ်မှတ်ထားဈေးနှုန်းသေနင်္ဂဗျူဟာ” ကြောင့် ပြီးခဲ့သည့် ၂၀၂၁ ခုနှစ်တွင် Kerry Express ၏လုပ်ငန်းကိုစိတ်ကျေနပ်ဖွယ်တိုးတက်စေခဲ့ပြီး စုစုပေါင်းဝင်ငွေ ဘတ် ၁၈.၈၁၈ ဘီလျံရရှိခဲ့သော်လည်း အမြတ်ငွေဘတ် ၄၆.၉ သန်းသာရရှိခဲ့ကာ ယခင်နှစ်ထက်ဘတ်သန်း ၁၀၀ နီးပါးကျဆင်းခဲ့သည်ဟု ဖော်ပြထားသည်။
“အစီရင်ခံစာတွင်ဖော်ပြထားသည့်အသားတင်အမြတ်ငွေသည် ရာထားချက်နှင့်ကိုက်ညီမှုရှိပြီး Kerry Express အနေဖြင့် ပါဆယ်ထုပ်အမြန်ချောပို့လုပ်ငန်းတွင်ဦိးဆောင်နိုင်ရေးအတွက် ဈေးကွက်ဝေစု ကြီးမားလာရေးကို အဓိကထားလုပ်ကိုင်နေသည်” ဟု ကုမ္ပဏီဉက္ကဋ္ဌကဆိုသည်။
လတ်တလောတွင် ပါဆယ်ထုပ်အမြန်ချောပို့သည့်လုပ်ငန်းတွင် ဈေးနှုန်းပြိုင်ဆိုင်မှုပြင်းထန်လာနေခြင်းကြောင့် ဈေးကွက်ဝေစုကိုပိုမိုခွဲယူနိုင်သော်လည်း အမြတ်ငွေကျဆင်းမှုနှင့်လဲလှယ်ရသည်ဟု ဆိုသည်။
ထိုင်းစာတိုက်လုပ်ငန်းအပါအဝင် Flash Express နှင့် အခြားသော Player များက ပါဆယ်ထုပ်အမြန်ချောပို့လုပ်ငန်းထဲကို အပြိုင်အဆိုင်ဝင်ရောက်လာကြပြီး ဈေးနှုန်းသေနင်္ဂဗျူဟာကို ပြိုင်တူအသုံးပြုလာကြသည်ဟု ဆိုသည်။
သတင်း ရွှေကရင် (ရာမညမြေ)
