ဆေးအလုံး ၁၀၀ သောက်ပြီးနောက် ချောက်ချားနေသည့်အမျိုးသမီးက ခင်ပွန်းဖြစ်သူကို အိမ်တွင် ချုပ်နှောင်ထားပြီး မီးလောင်တိုက်ထဲဝင်ရောက်အိပ်စက်။
အသက် ၅၈ နှစ်ရှိ ဖင်စုဖာဆိုသူ မော်တော်ဆိုင်ကယ်လုပ်ငန်းရှင်နှင့်သုဘရာဇာအမျိုးသမီးတစ်ဦးက ပါရာစီတမောအလုံး ၁၀၀ ကျော်သောက်ချပြီး မီးလောင်တိုက်ထဲဝင်ရောက်အိပ်စက်နေသည်ဟု သူမ ၏ခင်ပွန်းဖြစ်သူမှ နာရေးကူညီမှအသင်းထံတိုင်ကြားလာ၍ ဖရဲ့ခရိုင် ဒင်ချိုင်မြို့နယ် နာရေးကူညီမှုအသင်းမှ မီးလောင်တိုက်ရှိရာ ဝပ်ဖရဲ့ဓမ္မရာမသို့သွားရောက်ပြီး ချောက်ချားနေသည့်သူမကို ဒင်ချိုင်ဆေးရုံပို့ဆောင်ပေးခဲ့ရသည်ဟု ထိုင်းရတ်သတင်းဌာနမှဖော်ပြထားသည်။
မီးလောင်တိုက်ထဲတွင်အိပ်နေသည့်သူမ၏ခြေရင်းတွင် ပါရာစီတမောဆေးတစ်ဘူးနှင့်ရေတစ်ဘူးကိုတွေ့ရှိခဲ့ရသည်ဟု နာရေးတန်ထမ်းတစ်ဉီးက ဆိုသည်။
ဆေးရုံသို့ရောက်ရှိပြီး ဆေးကုသမှုခံယူပြီးနောက် အသက်အန္တရာယ်စိုးရိမ်ရခြင်းမရှိတော့ကြောင်း သိရှိရသည်။
သူမသည်မီးလောင်တိုက်ကန်တော့ရာတွင် ရှေးထုံးတမ်းအစဉ်အလာမှသွေဖီပြီး သံဘူး၊ စွမ်းအားဖြည့်အချိုရည်၊ နို့ဘူး စသည့်တို့ဖြင့် ပူဇော်သဖြင့်နတ်ကိုင်ခံရသည်ဟု နာရေးဝန်ထမ်းတစ်ဦးက မှတ်ချက်ပေးသည်။ အစဉ်အလာအရ မီးလောင်တိုက်ကို အုန်းသီး၊ ငှက်ပျောသီး၊ အရက်၊ ဆေးလိပ်၊ ကွမ်း၊ ကွမ်းရွက်၊ ကောင်ညှင်း စသည်တို့ဖြင့်ကန်တော့ရသည်ဟု ဆိုသည်။
သတင်း ရွှေကရင် (ရာမညမြေ)
