စက်တင်ဘာ ၃ ရက်၊ ၂၀၂၁
ပြီးခဲ့သည့် ဇွန်လနှင့်ဇူလိုင်လများတွင် လေဆိပ်အတွင်းခရီးသည်များကို ပိုးစစ်ဆေးရာမှ မြူမျိုးကွဲ (MU) ကိုဗစ်-၁၉ ပိုးရှိလူနာ ၂ ဦး
တွေ့ရှိခဲ့သည်ဟု ဂျပန်အတည်ပြု။
ကမ္ဘာ့ကျန်းမာရေးအဖွဲ့ချုပ် (WHO) မှစောင့်ကြည့်စရာမျိုးကွဲအဖြစ်သတ်မှတ်ခံထားရသည့် မြူမျိုးကွဲ (MU) ကိုဗစ်-၁၉ လူနာ ၂ ဦးကို
တွေ့ရှိခဲ့သည်ဟု ဂျန်ပန်ပြည်သူကျန်းမာရေးဝန်ကြီးဌာနက ပြီးခဲ့သည့် ဩဂုတ်လ ၁ ရက်နေ့တွင် ထုတ်ပြန်ခဲ့သည်။
ပြီးခဲ့သည့်ဇွန်လ ၂၆ ရက်နေ့တွင် အာရပ်စော်ဘွားများပြည်ထောင်စု (UAE) နိုင်ငံမှပြန်လာသည့် အသက် ၄၀ စွန်းစွန်းအမျိုးသမီးတစ်ဦး
နှင့် ဇူလိုင်လ ၅ ရက်နေ့တွင် ယူကေမှပြန်လာသည့်အသက် ၅၀ စွန်းစွန်းအမျိုးသမီးတစ်ဦးတို့တွင်တွေ့ရှိခဲ့သည်ဟု ဖော်ပြထားသည်။
အဆိုပါမြူမျိုးကွဲ ခေါ် B.1.621 မျိုးကွဲသည် မည်သို့ကူးစက်တတ်သည်နှင့်လူ့ကိုယ်ခံအားစနစ်ကိုရှောင်တိမ်းနိုင်ခြင်းရှိမရှိ အတည်ပြု
နိုင်ခြင်းမရှိသေးဟု ဆိုသည်။
သို့သော် မြူမျိုးကွဲ၏ဗီဇပြောင်းလဲပုံသည် လူ့ကိုယ်ခံစားစနစ်ကိုရှောင်တိမ်းနိုင်ခြေရှိသည်ဟု ကမ္ဘာ့ကျန်းမာရေးအဖွဲ့ချုပ်က ဖော်ပြထား
သည်။ ၎င်းကို ပြီးခဲ့သည့် ဇန်နဝါရီလတွင် ကိုလံဘီယာနိုင်ငံ၌ပထမဆုံးတွေ့ရှိခဲ့ပြီး ပြည်တွင်းပိုးတွေ့လူနာဦးရေ၏ ၄၀ ရာခိုင်နှုန်းခန့်မြင့်
မားကာ အနည်းဆုံး နိုင်ငံပေါင်း ၄၀ တွင်တွေ့ရှိခဲ့သည်ဟု ဆိုသည်။
