စက်တင်ဘာ ၃ ရက်၊ ၂၀၂၁
မြို့တော်ဗန်ကောက်အတွင်းရှိ ဈေးကြီးများတွင် စီမံချက် ၃ ခုဖြင့် ကိုဗစ်-၁၉ ပစ်မှတ်ထားကိုင်တွယ်မည်
ပြီးခဲ့သည့် ဧပြီလ ၁ ရက်နေ့တွင်စတင်ခဲ့သည့် ကိုဗစ်-၁၉ တတိလှိုင်းအတွင်း မြို့တော်ဗန်ကောက်တွင်ပိုးရှိလူနာ ၂.၇ သိန်းတွေ့ရှိခဲ့ရပြီး
ဩဂုတ်လ ၁၃ ရက်နေ့တွင်ထပ်တိုးလူနာအများဆုံးနေ့အဖြစ် ၅,၁၄၀ ဦး ရှိခဲ့ရာ ထပ်တိုးသေဆုံးအများဆုံးနေ့ဖြစ်သည့် ဩဂုတ်လ ၂၈ရက်
နေ့တွင် ၁၁၉ ဦးမြင့်မားခဲ့သည်။
တနိုင်ငံလုံးအတိုင်းအတာအနေဖြင့် နေ့စဉ်ထပ်တိုးလူနာဦးရေသည် ၂ သောင်းအောက်တွင်ရှိနေခဲ့သော်လည်း မြို့တော်ဗန်ကောက်ထဲတွင်
အစုလိုက်အပြုံလိုက်ပိုးတွေ့ရှိသည့်နေရာ ၁၀၀ ကျော်ရှိခဲ့သည်။လတ်တလောတွင် ဗန်ကောက်အစိုးရမှ ဈေးများတွင်ကိုဗစ်-၁၉ ကူးစက်ပျံ့နှံ့မှု
ကိုအတောသတ်နိုင်ရေးအတွက် လက်ကားဈေးကြီးများကို စီမံချက် ၃ ရပ်ချမှတ်၍ ပစ်မှတ်ထားကိုင်တွယ်တော့မည်ဟု ကြေညာသည်။
မြို့တော်ဗန်ကောက်နယ်မြေထဲတွင် လက်ကားဈေးကြီး ၂၉ ခုရှိပြီး ဆိုင်ခန်း ၅၀၀ အထက်ရှိသည့်ဈေးကြီး ၁၂ ခု၊ ဈေးသုံးလေးနေရာထိစပ်
နေသည့်ဈေးကြီး ၅ ခု စုစုပေါင်းဈေးကြီး ၁၇ ခုရှိသည်။ အဆိုပါဈေးကြီးများသည် မြို့နယ် ၁၁ ခုထဲတွင်တည်ရှိပြီး ဈေးသည်နှင့်ဈေးလုပ်သား
၁၈,၉၃၇ ဦးရှိသည်။
မြို့တော်ဗန်ကောက်အတွင်းရောဂါကူးစက်ပျံ့နှံ့မှုကိုအမြန်ဆုံးတားဆီးနိုင်ရန်နှင့်အတောသတ်နိုင်ရန်အတွက်ဈေးများတွင်ကိုဗစ်-၁၉ ပစ်မှတ်
ထားစောင့်ကြည့်ကိုင်တွယ်ရေးအစီအမံကို ဗန်ကောက်အစိုးရမှ ၃ ဆင့်ချမှတ်လိုက်သည်။ပိုးရှိလူနာ ၁ ဦးတွေ့ရှိလျှင် တွေ့ရှိသည့်ဆိုင်ခန်းကို
၁၄ ရက်ပိတ်ထားရမည်ဖြစ်ပြီး ပိုးရှိလူနာထပ်မံ ရှာဖွေရေးပြုလုပ်ရမည်။
ပိုးရှိလူနာ ၂ ဦးတွေ့ရှိလျှင် တွေ့ရှိသည့်ဆိုင်ခန်းကို ၁၄ ရက်ပိတ်ထားရမည်ဖြစ်ပြီးဈေးသူဈေးသားအားလုံးကိုပစ်မှတ်ထားကိုဗစ်-၁၉ စစ်ဆေးရမည်။
ပိုးရှိလူနာ ၁၀ ဦးတွေ့ရှိလျှင် အဆိုပါဈေးကို ၁၄ ရက်ပိတ်ထားရမည်ဖြစ်ပြီး ဈေးပတ်ဝန်းကျင်ရှိလူနေရပ်ကွက်များကိုလေ့လာဆန်းစစ်ရေးပြုရမည်။
ထို့ပြင် သီးခြားစောင့်ကြည့်ခြင်းစီမံချက်ချထားခြင်းနှင့်ဈေးသူဈေးသားနှင့်ဈေးပတ်ဝန်ကျင်ရှိလူနေရပ်ကွက်များကိုကာကွယ်ဆေးထိုးနှံပေးရမည်။
