စက်တင်ဘာ ၃ ရက်၊ ၂၀၂၁
ဆေးရုံ၌ဆေးကုသမှုခံယူခြင်းမရှိသေးသော ရောဂါလက္ခဏာပြသည့်လူနာများအတွက် PF-07321332 ကိုဗစ်-၁၉ ဗိုင်းရပ်စ်တားဆေးပြားကို
ဖိုက်ဇာ (pfizer) မှစမ်းသပ်နေသည်ဟု ထုတ်ပြန်ထားသည်။
လတ်တလောတွင် အဆိုပါဆေးပြားကို လူနာ ၁,၁၄၀ ဦးတွင်စမ်းသပ်လျက်ရှိပြီး ယခုစမ်းသပ်မှုတွင် Ritonavir ဆေးကိုပါပူးတွဲတိုက်ကျွေး
သည်ဟုဆိုသည်။ လက်ရှိ စမ်းသပ်မှုသည် အဆင့် ၂ နှင့် အဆင့် ၃ တွင်ရောက်ရှိနေပြီဟု ဖော်ပြထားသည်။
PF-07321332 ဆေးသည် ရောဂါပျံ့နှံ့မှုပြုရန်အတွက် ကိုဗစ်-၁၉ ဗိုင်းရပ်စ်ပိုးမှကိုယ်ပွားထုတ်လုပ်ရာတွင် အသုံးပြုရသည့် အင်ဇိုင်း၏
လုပ်ဆောင်ချက်ကို ဟန့်တားပေးသည်ဟု ဖိုက်ဇာကဆိုသည်။
စမ်းသပ်မှုအောင်မြင်ခဲ့လျင် PF-07321332 ဆေးကိုအရေးပေါ်အခြေအနေတွင်အသုံးပြုနိုင်ရန်အတွက်ယခုနှစ်စတုတ္ထသုံးလပတ်တွင်
အမေရိကန်အစားအသောက်နှင့်ဆေးဝါးကွပ်ကဲရေးရုံး (FDA) ထံ ခွင့်ပြုချက်ရယူသွားမည်ဟု ဖိုက်ဇာကဆိုသည်။
