စက်တင်ဘာ ၆ ရက်၊ ၂၀၂၁
ဂီနီနိုင်ငံတွင် ယမန်နေ့၌အထူးတပ်ဖွဲ့မှစစ်အာဏာသိမ်းလိုက်ပြီး သက်တမ်းရှည်လျားလွန်းသည့်သမ္မတကိုရာထူးမှဖယ်ရှားကာ
ကုန်းလမ်းရေလမ်းနယ်စပ်ဂိတ်အားလုံးကိုပိတ်ထား။
တောင်အာဖရိကနိုင်ငံတစ်ခုဖြစ်သည့် ဂီနီနိုင်ငံတွင် စက်တင်ဘာ ၅ ရက်နေ့၌ အထူးတပ်ဖွဲ့မှစစ်အာဏာသိမ်းလိုက်ပြီး
သက်တမ်းရှည်လျားသည့်သမ္မတကိုရာထူးမှဖယ်ရှာပြီး ကုန်းလမ်းရေလမ်းနယ်စပ်ဂိတ်အားလုံးကိုပိတ်ထားသည်ဟု သိရသည်။
“ဆင်းရဲနွမ်းပါးမှုနှင့်အကျင့်ပျက်ချစားမှုပြဿနာ” သည် သမ္မတအက်လဖာ ကွန်ဒေကိုရာထူးမှဖယ်ရှားရ သည့်တွန်းအားတစ်ခု
ဖြစ်သည်ဟုစစ်အာဏာသိမ်းမှုအပေါ်ကမ္ဘာ့ကုလသမဂ္ဂ၏ရှုတ်ချမှုနှင့်အနောက်အာဖရိကစီးပွားရေးအုပ်စု၏ဖိအားပေးမှုကို
ဂီနီအထူးတပ်ဖွကာကွယ်ရေးဦးစီးချုပ်က ချေပပြောဆိုသည်။
“အစိုးရအဖွဲ့နဲ့အင်စတီကျုအသီးသီးကိုကျနော်တို့ဖျက်သိမ်းလိုက်ပါပြီ အခြေခံဉပဒေအသစ်တစ်ခုကိုကျနော်တို့အတူတူရေးဆွဲ
ဖို့ပြင်ဆင်နေပါတယ်” ဟု ဂီနီနိုင်ငံတော်အလံကိုခြုံထားပြီး တပ်သား ၈ ဦးရံထားသည့် ဒွမ်ဘွားယားကအစိုးရရုပ်သံမှတဆင့်
ပြောကြားခဲ့သည်။
သမ္မတကွန်ဒေသည် ရွေးကောက်ပွဲထပ်မံဝင်နိုင်ရန်အခြေခံဉပဒေကိုပြင်ဆင်ခဲ့ပြီး မဲအနိုင်ရရှိကာ ၂၀၂၀ ခုနှစ် အောက်တိုဘာလ
တွင် သမ္မတရာထူးကိုတတိယအကြိမ်ရယူခဲ့ပြီးနောက် အတိုက်အခံပါတီနှင့်မဲဆန္ဒရှင်ပြည်သူများကို မကျေနပ်မှုဖြစ်စေခဲ့သည်ဟု
သိရသည်။
ပြီးခဲ့သည့်နှစ်များတွင် အစိုးရဘဏ္ဍာဖြည့်တင်းရေးအတွက် အခွန်နှုန်းထားကိုအဆမတန်တိုးကောက်ခဲ့ပြီး စက်သုံးဆီဈေးနှုန်းကို
၂၀ ရာခိုင်နှုန်းအထိမြှင့်တင်ခဲ့သည့်မူဝါဒများကြောင့် ပြည်သူအများစုကို စိတ်ပျက်စေခဲ့ပြီး ပြည်သူ့အုံကြွမှုကိုမီးမွှေးပေးခဲ့သည်ဟု
သိရှိရသည်။
