အစိုးရနှင့်ပြည်သူများပေါ့ဆလျင် လာမည့်နှစ်ဆန်းပိုင်းအတွင်း ကိုဗစ်-၁၉ ပဉ္စမလှိုင်းနှင့်ရင်ဆိုင်ရဖွယ်ရှိသည်ဟု ထိုင်းဗိုင်းရပ်စ်ပညာရှင်သတိပေး။

ထိုင်းနိုင်ငံတွင် ၂၀၂၁ ခုနှစ်အထိ ကိုဗစ်-၁၉ ကူးစက်ပျံ့နှံ့မှု ၄ ကြိမ်ဖြစ်ပွားခဲ့ပြီး ဂျီ၊ အယ်လ်ဖာ၊ ဒေလ် တာမျိုးကွဲအပါအဝင် နောက်ဆုံးပေါ် အိုမီခရွန်မျိုးကွဲတို့ကို တွေရှိခဲ့သည်ဟုကျူလာလောင်ကွန်းတက္ကသိုလ် ဗိုင်းရပ်စ်ပညာရှင် ပါမောက္ခ ဒေါက်တာ ယွန် ဖူ့ဝေါ်ရဝဏ္ဏ ကဆိုသည်။

GISAID ၏ အစီရင်ခံစာအရ အိုမီခရွန်မျိုးကွဲ၏မျိုးရိုးဗီဇကုဒ်အရေအတွက်သည်လျင်မြန်စွာတိုးပွားလာ နေပြီး ဒေလ်တာထက်ကူးစက်မှုမြန်ဆန်တာကြောင့် လာမည့် ၁ လ မှ ၂ လ အတွင်း ဒေလ်တာနေရာ တွင် အစားထိုးဝင်ရောက်လာမည်ဟု ယုံကြည်ရကြောင်း ၎င်းကဆိုသည်။ အာဖရိကတိုက်တွင်စတင်တွေ့ရှိခဲ့သော အိုမီခရွန်သည် ကမ္ဘာတစ်ခြမ်းကိုပျံ့နှံ့သွားပြီဟု ဆိုသည်။

ဉရောပနှင့်အမေရိကားတွင်ရောဂါကူးစက်ပျံ့နှံ့မှုအားကောင်းသည့်အပြင် အိုမီခရွန်မျိုးကွဲကိုခွဲခြမ်းစစ်ဆေးရာတွင် BA1,BA2 နှင့် BA3 မျိုးစိတ်ပေါင်း ၃ ခုအထိတွေ့ရသည်ဟု ဆိုသည်။ လတ်တလောကူးစက်ပျံ့နှံမှုတွင် BA1 မျိုးစိတ်တစ်ခုတည်းသာတွေ့ရသေးသည်ဟု ဆိုသည်။

နမူနာလူနာ ၉၆ ဦးကိုစစ်ဆေးရာတွင် ၄၀ ဦး မှ ၅၀ ဦးအထိအိုမီခရွန်တွေ့ရှိရ၍ အိုမီခရွန်မျိုးကွဲသည်ကူးစက်မှုမြန်ဆန်သည်ဟု ကောက်ချက်ချနိုင်ကြောင်း ပညာရှင်ကဆိုသည်။

အစိုးရနှင့်ပြည်သူများပေါ့ဆလျင် လာမည့်နှစ်ဆန်းပိုင်၌ ကူးစက်မှုပိုမိုလျင်မြန်လာနိုင်ပြီး ပဉ္စမလှိုင်းဖြစ်လာနိုင်ခြေမြင့်မားသည်ဟု သတိပေးထားသည်။

ယခုအချိန်ထိ အိုမီခရွန်မျိုးကွဲအတွက် သီးသန့်ကာကွယ်ဆေးမရှိသေးဟု ဆိုသည်။

သတင်း ရွှေကရင် (ရာမညမြေ)