—————————–

ဒီဇင်ဘာလ ၁၃ ရက်၊ ၂၀၂၂

ထိုင်းလွှတ်တော်အလုပ်သမားရေးရာအဖွဲ့ဝင်တွေနဲ့ NUG အစိုးရ အွန်လိုင်းမီတင် (Meeting) ကတဆင့်အစည်းဝေးတရပ်ကျင်းပခဲ့ကြတယ်လို့ အလုပ်သမားသံအရာရှိဟောင်း ကိုဝေလင်းမောင် ကဆိုပါတယ်။

“ထိုင်းနဲ့ဆွေးနွေးသွားတဲ့ အသေးစိတ်ကိုတော့ ထုတ်ပြောလို့မရသေးဘူးပေါ့၊ ဘာကြောင့်လဲဆိုတော့ ထိုင်းဘက်ကအကောင်ထည်ဖော်နိုင်ဖို့သွားနေတဲ့စပ်ကြားမှာမို့လိုပါ။ အလုပ်သမားတွေအတွက်အကျိုးရှိမယ့်အကြောင်းအရာတွေတော်တော်များများပါတယ်” လို့ အလုပ်သမားသံအရာရှိဟောင်း ကိုဝေလင်းမောင် ကိုချစ်ဇွဲကပင်မြေကို ပြောပါတယ်။

အလုပ်သမာအရေးနဲ့ပတ်သက်ပြီး ဒီဇင်ဘာလ ၇ ရက်နေ့မှာပြုလုပ်ခဲ့ကြတာဖြစ်ပါတယ်။ ထိုင်းမှာရှိတဲ့မြန်မာရွှေ့့ပြောင်းအလုပ်သမားအရေးနဲ့ပတ်သက်ပြီး ပူးပေါင်းဆောင်ရွက်ရန်အတွက်စည်းဝေးခဲ့ကြတာဖြစ်ပြီး၊ အစည်းဝေးရဲ့အသေးစိတ်ကိုတော့ နှစ်ဖက်သဘောတူညီမှုအရ ထုတ်ပြန်ထားတာမတွေ့ရသေးပါဘူး။

တွေ့ဆုံဆွေးနွေးပွဲမှာ အမျိုးသားညီညွတ်ရေးအစိုးရ၊ အလုပ်သမားဝန်ကြီးဌာန ပြည်ထောင်စု ဝန်ကြီး နိုင်သုဝဏ္ဏ၊ ဒုတိယဝန်ကြီး ဦးကျော်နီနှင့် ဌာနတာဝန်ရှိသူများ၊ ထိုင်းနိုင်ငံ လွှတ်တော် အလုပ်သမားရေးရာကော်မတီ ဥက္ကဋ္ဌ၊ အတွင်းရေးမှူး နှင့် လွှတ်တော်အလုပ်သမားရေးရာ အတိုင်ပင်ခံ တို့ တက်ရောက်ခဲ့ကြပါတယ်။

ကိုချစ် ဇွဲကပင်မြေ